Радуйтесь, ибо Господь грядет судить

	Кредо	Переписка	Календарь	Устав	Аудио
	Имя Божие	3000 вопросов	Богослужения	Школа	Видео
	Библиотека	Проповеди	Тайна ап.Иоанна	Поэзия	Фото
	Публицистика	Дискуссии	Эра Духа Святого	История	Фотокниги
	Апостасия РПЦ МП	Свидетельства	Иконы	Стихи о.Олега	Стримы
	Жития святых	Книги о.Олега	Исповедь	Библия	Избранное
	Молитвы	Слово батюшки	Новомученики	Пожертвования	Контакты

Богослужения мирянским чином

Служба на Святую Пасху

Молитвы на освящение пищи во святую и великую неделю Пасхи

Старший:
Молитвами святых отец наших, Господи Иисусе Христе, помилуй нас.

Братия:
Аминь.

Братия:
Христос воскресе из мертвых, смертию смерть поправ, и сущим во гробех живот даровав.
(Трижды)

Молитва на освящение мясных блюд

Братия:
Господу помолимся. Господи помилуй.

Старший:
Призри Господи Иисусе Христе, Боже наш, на брашна мяс, и освяти я, якоже освятил еси овна, егоже Тебе приведе верный Авраам, и агнца, егоже Тебе Авель во всеплодие принесе: подобне и тельца упитанного, егоже повелел еси сынови Твоему заблудшему, и паки к Тебе возвращшемуся: да якоже той сподобися Твоея благости насладитися, сице и освященных от Тебе, и благословенных насладимся в пищу всех нас. Ты бо еси истинная пища, и податель благих, и Тебе славу возсылаем со безначальным Твоим Отцем, и пресвятым, и благим, и животворящим Твоим Духом, ныне и присно, и во веки веков. Аминь.

Старший крестообразно кропит пищу святой водой, читая молитву:
Благословляется и освящается мясо сие окроплением воды сия священныя во имя Отца и Сына и Святаго Духа, аминь.
(Трижды)

Молитва на освящение сыра и яиц.

Братия:
Господу помолимся. Господи помилуй.

Старший:
Владыко Господи Боже наш, Зиждителю и Содетелю всех, благослови млеко огустевшее, с нимже и яйца, и нас соблюди во благости Твоей, яко да причащающеся их, Твоих независтно подательных даров исполнимся, и неизглаголанныя Твоея благости: яко Твоя держава, и Твое есть царство, и сила, и слава, Отца, и Сына, и Святаго Духа, ныне и присно, и во веки веков. Аминь.

Старший крестообразно кропит пищу святой водой, читая молитву:
Благословляются и освящаются сыр и яйца <и ...> сии окроплением воды сия священныя во имя Отца и Сына и Святаго Духа, аминь.
(Трижды)