Крест
Покайтесь, ибо Господь грядет судить
Проповедь Всемирного Покаяния. Сайт отца Олега Моленко - omolenko.com
  tolkovanie.com  
  omolenko.com  
  propovedi.com  
holy.city - сайт о ВОЗВЕДЕНИИ БОЖЬЕГО ХРАМА В ДОМИНИКАНСКОЙ РЕСПУБЛИКЕ!
  Избранное Переписка Календарь Устав Аудио
  Имя Божие Ответы Богослужения Школа Видео
  Библиотека Проповеди Тайна ап.Иоанна Поэзия Фото
  Публицистика Дискуссии Библия История Фотокниги
  Апостасия Свидетельства Иконы Стихи о.Олега Архив
  Жития святых Книга отзывов Исповедь Статистика Карта сайта
  Молитвы Слово батюшки Новомученики Пожертвования Контакты
Главная страница сайта Печать страницы Ответ на вопрос Пожертвования Персональный видеоканал отца Олега Вниз страницы Вверх страницы К предыдущей странице   К вышестоящей странице   К следующей странице Перевод
МИР ВСЕМ МИЛОСТИВЫМ, ЩЕДРЫМ И МИЛОСЕРДНЫМ!
Дорогие читатели, прошу вас оказать милость и поучаствовать своим пожертвованием в Божьем деле - возведение первого православного Храма в Доминиканской Республике! Вы не обязаны этого делать, но можете! Для этого достаточно зайти по данной ссылке и перевести деньги на церковный счет в соответствии с указанными реквизитами банка. Там же можно прочитать подробнее об этом проекте.
И да благословит вас Господь обильным благословением за ваше щедрое сердце!


ВКонтакт Одноклассники Facebook Twitter Google+ Blogger Livejournal Яндекс Mail.Ru Liveinternet

Молитвословия, связанные с поминанием Императора и Царствующего Дома, измененные после февраля 1917-го года

Изменения служб дневного круга богослужений (тексты приводятся по изданию: Служебникъ — Москва. Синодальная типографiя. 1896.)


На литии.
Спаси, Боже, люди Твоя, и благослови достояние Твое: посети мир Твой милостию и щедродами, возвыси рог христиан православных и низпосли на ны милости Твоя богатыя; молитвами Всепречистыя Владычицы нашея Богородицы и Приснодевы Марии: силою Честнаго и Животворящаго Креста: предстательствы честных Небесных Сил безплотных: честнаго славнаго пророка, Предтечи и Крестителя Иоанна, святых славных и всехвальных апостол: иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго: иже во святых отца нашего Николая, архиепископа Мир Ликийских, чудотворца: святых равноапостольных Мефодия и Кирилла, учителей Словенских: святаго равноапостольнаго великаго князя Владимира: иже во святых отец наших всея России чудотворцев, Петра, Алексия, Ионы и Филиппа: святых славных и добропобедных мучеников, преподобных и богоносных отец наших, святых и праведных Богоотец Иоакима и Анны (и святаго, имя рек, егоже есть храм и егоже есть день) и всех святых: молим Тя, многомилостиво Господи, услыши нас, грешных, молящихся Тебе, и помилуй нас. Господи, помилуй (40 раз).
Еще молимся о Благочестивейшем, Самодержавнейшем, Великом Государе нашем Императоре Николае Александровиче всея России, о державе, победе, пребывании, мире, здравии, спасении его, и Господу Богу нашему наипаче поспешити и пособити ему во всех, и покорити под нозе его всякого врага и супостата.
Еще молимся о супруге его, Благочестивейшей Государыне Императрице Александре Феодоревне.
Еще молимся о матери его Благочестивейшей Государыне Императрице Марии Феодоровне.
Еще молимся о наследнике его, Благоверном Государе Цесаревиче и Великом Князе Георгии Александровиче, и о всем Царствующем Доме. Господи, помилуй (30 раз).

Еще молимся о святейшем Правительствующем Синоде (также о епископе нашем, имярек, аще есть: аще ли обитель, и о архимандрите нашем имярек) и всем во Христе братстве нашем, и о всякой души христианстей, скорбящей же и озлобленней, милости Божия и помощи требующей: о покровении града сего и живущих в нем. О мире и состоянии всего мира. О благостоянии святых Божиих Церквей: о спасении и помощи со тщанием и страхом Божиим труждающихся и служащих отец и братии наших. О оставльшихся и во отшествии сущих. О исцелении в немощех лежащих. О успении, ослабе, блаженней памяти и оставлении грехов всех преждеотшедших отец и братии наших, зде лежащих и повсюду, православных. О избавлении плененных, и о братиях наших во службах сущих, и о всех служащих и служивших во святей обители сей, рцем. Господи, помилуй (50 раз).
Еще молимся о еже сохранитися граду сему, и святей обители сей, и всякому граду и стране от глада, губительства, труса, потопа, огня, меча, нашествия иноплеменников и междоусобныя брани: о еже милостиву и благоуветливу быти благому и человеколюбивому Богу нашему, отвратити всякий гнев, на ны движимый, и избавити ны от належащаго и праведнаго Своего прещения, и помиловати ны. Господи, помилуй (3 раза).
Еще молимся и о еже услышати Господу Богу глас моления нас грешных, и помиловати нас. Господи, помилуй (3 раза).

На вечерне и утрени перед отпустом.
Ектения: Помилуй нас Боже:
По возгласе же иерей глаголет. Премудрость.
Лик же: Благослови. Иерей: Сый благословен:
Лик: Утверди Боже, Благочестивейшаго, Самодержавнейшаго, Великаго Государя нашего Императора Николая Александровича, и святую православную веру, православных христиан, во век века.
Пресвятая Богородице, спаси нас.

На утрени перед шестопсалмием.
Таже глаголет иерей:
Помилуй нас, Боже, по велицей милости Твоей, молим ти ся, услыши и помилуй. Господи, помилуй (трижды).
Еще молимся о Благочестивейшем, Самодержавнейшем, Великом Государе нашем Императоре Николае Александровиче всея России и о супруге его, Благочестивейшей Государыне Императрице Александре Феодоревне, о матери его Благочестивейшей Государыне Императрице Марии Феодоровне, о наследнике его, Благоверном Государе Цесаревиче и Великом Князе Георгии Александровиче, и о всем Царствующем Доме. Господи, помилуй (трижды).
Еще молимся о святейшем Правительствующем Синоде. Господи, помилуй (трижды).
Еще молимся за всю братию и за вся христианы. Господи, помилуй (трижды).

Литургия. На проскомидии.
Таже прием четвертую просфору, глаголет:
Помяни, владыко человеколюбче, всякое епископство православных, святейший правительствующий синод и святейшие православные патриархи (и митрополита нашего имярек, егоже есть епархия, или епископа нашего имярек), честное пресвитерство, во Христе диаконство и весь священнический чин: игумена имярек, братию и сослужебники наша, священники, диаконы, и всю братию нашу, яже призвал еси во Твое общение, Твоим благоутробием, всеблагий Владыко.
И взем частицу, полагает ю доле святаго хлеба.
Таже поминает Императора глаголя сице:
Помяни, Господи, Благочестивейшего, Самодержавнейшего, Великого Государя нашего Императора Николая Александровича всея России: супругу его, Благочестивейшею Государыню Императрицу Александру Феодоревну: матерь его Благочестивейшую Государыню Императрицу Марию Феодоровну: наследника его, Благоверного Государя Цесаревича и Великого Князя Георгия Александровича, и весь Царствующий Дом.
Таже поминает и ихже имать живых по имени, и на коеждо имя взимает частицу, приглаголя: Помяни, Господи, имярек.
И тако взем частицы, полагает я доле святаго хлеба.

Литургия. Великая ектенiя.
Миром Господу помолимся.
О свышнем мире и спасении душь наших Господу помолимся. Господи, помилуй.
О мире всего мiра, благостоянии святых Божиих церквей и соединении всех, Господу помолимся. Господи, помилуй.
О святем храме сем, и с верою, благоговением и страхом Божиим входящих вонь, Господу помолимся. Господи, помилуй.
О святейшем Правительствующем Синоде (и о митрополите нашем, имярек, аще есть область его), честнем пресвитерстве, во Христе диаконстве, о всем причте и людех, Господу помолимся. Господи, помилуй.
О Благочестивейшем, Самодержавнейшем, Великом Государе нашем, Императоре Николае Александровиче всея России: о супруге его, Благочестивейшей Государыне Императрице Александре Феодоревне: о матери его Благочестивейшей Государыне Императрице Марии Феодоровне, Господу помолимся. Господи, помилуй.
О наследнике его, Благоверном Государе Цесаревиче и Великом Князе Алексии Николаевиче, и о всем Царствующем Доме: о всей палате (правительстве) и воинстве их, Господу помолимся. Господи, помилуй.
О пособити и покорити под нозе их всякаго врага и супостата, Господу помолимся. Господи, помилуй.

О граде сем (аще в монастыре: о святей обители сей), всяком граде, стране, и верою живущих в них, Господу помолимся. Господи, помилуй.
О благорастворении воздухов, о изобилии плодов земных, и временех мирных, Господу помолимся. Господи, помилуй.
О плавающих, путешествующих, недугующих, страждущих, плененных, и о спасении их, Господу помолимся. Господи, помилуй.
О избавитися нам от всякия скорби, гнева и нужды, Господу помолимся. Господи, помилуй.
Заступи, спаси, помилуй и сохрани нас Боже Твоею благодатию. Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувши, сами себе, и друг друга, и весь живот наш Христу Богу предадим. Тебе, Господи.

 

Литургия. Сугубая ектения.
Рцем вси от всея души, и от всего помышления нашего рцем: Господи, помилуй.
Господи вседержителю, Боже отец наших, молим ти ся, услыши и помилуй. Господи, помилуй.
Помилуй нас, Боже, по велицей милости Твоей, молим ти ся, услыши и помилуй. Господи, помилуй (трижды).
Еще молимся о благочестивейшем, самодержавнейшем, великом государе нашем императоре Николае Александровиче всея России: О державе, победе, пребывании, мире, здравии, спасении его, и Господу Богу нашему наипаче поспешити и пособити ему во всех, и покорити под нозе его всякого врага и супостата. Господи, помилуй (трижды).
Еще молимся о супруге его, благочестивейшей государыне императрице Александре Феодоревне, о матери его благочестивейшей государыне императрице Марии Феодоровне, о наследнике его, благоверном государе цесаревиче и великом князе Алексии Николаевиче, и о всем царствующем доме. Господи, помилуй (трижды).

Еще молимся о святейшем правительствующем синоде (или о митрополите нашем, имярек, аще есть область его) и всей во Христе братии нашей. Господи, помилуй (трижды).
Еще молимся о всем их христолюбивом воинстве. Господи, помилуй (трижды).
Еще молимся о блаженных и приснопамятных создателях святыя обители сея и о всех преждепочивших отцех и братиях, зде лежащих и повсюду православных. Господи, помилуй (трижды).
Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святыя обители сея. Господи, помилуй (трижды).
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости. Господи, помилуй (трижды).

Литургия. Выход с чашей.
Таже святый дискос прием, возлагает на главу диакона, со всяким вниманием и благоговением, имеяй вкупе диакон и кадильницу на едином от перстов, сам же святый потир в руце прием: исходят же северною страною, предходящим им лампадам, и обходят храм, молящеся.
Диакон глаголет:
Благочестивейшего, Самодержавнейшего, Великого Государя нашего Императора Николая Александровича всея России, да поминет Господь Бог во царствии Своем, всегда, ныне и присно и во веки веков.
Таже священник:
Супругу его, Благочестивейшею Государыню Императрицу Александру Феодоревну: матерь его Благочестивейшую Государыню Императрицу Марию Феодоровну, да поминет Господь Бог во царствии Своем, всегда, ныне и присно и во веки веков.
Наследника его, Благоверного Государя Цесаревича и Великого Князя Георгия Александровича, и весь Царствующий Дом, да поминет Господь Бог во царствии Своем, всегда, ныне и присно и во веки веков.

Диакон глаголет:
Святейший Правительствующий Синод, да поминет Господь Бог во царствии Своем, всегда, ныне и присно и во веки веков.
Таже священник:
Всех вас, православных христиан, да поминет Господь Бог во царствии Своем, всегда, ныне и присно и во веки веков.

Литургия. Молитва заамвонная.
Благославляяй благославящыя тя, Господи, и освящаяй на тя уповающыя, спаси люди Твоя и благослови достояние Твое. Исполнение Церкве Твоея сохрани: освяти любящыя благолепие дому Твоего: Ты тех возпрослави Божественною Твоею силою, и не остави нас уповающих на тя. Мир мiрови твоему даруй, церквам твоим, священником, Благочестивейшему, Самодержавнейшему, Великому Государю нашему, Императору Николаю Александровичу всея России, воинству и всем людем Твоим. Яко всякое даяние благо, и всяк дар совершен свыше есть, сходяй от Тебе Отца светов: и Тебе славу и благодарение, и поклонение возсылаем, Отцу и Сыну и Святому Духу, ныне и присно и во веки веков. Аминь.



Главная страница сайта Печать страницы Ответ на вопрос Пожертвования Персональный видеоканал отца Олега Вниз страницы Вверх страницы К предыдущей странице   К вышестоящей странице   К следующей странице Перевод

Flag Counter
Код баннера
Сайт отца Олега (Моленко)

 
© 2000-2017 Церковь Иоанна Богослова