|
Радуйтесь, ибо Господь грядет судить |
|
 |
|
Rus |
|
Eng |
|
 |
 |
 |
 |
 |
 |
 |
   |
 |
 |
 |
 |
Богослужения мирянским чином
Заупокойное богослужение
Заупокойное всенощное бдение
После смерти православного христианина, его тело омывается, одевается в новые одежды. Омовение совершается одним из родственников почившего с чтением молитвы "Трисвятое": "Святый Боже, Святый Крепкий, Святый Безсмертный, помилуй нас". Покойника освобождают от одежд, подвязывают челюсть и полагают на лавку или на пол, подстелив ткань. Для омовения используют губку, теплую воду и мыло, крестообразными движениями трижды отирая все части тела, начиная с головы. Одежду, в которой человек умер, и все, что использовалось при его омовении, принято сжигать. После этого покойник полагается в гроб, если он заранее приготовлен.
Гроб предварительно окропляется святой водой, причем это может быть сделано мирянином (обычно старшим среди собравшихся "опрятывать" усопшего). На челе его возлагается венчик - полоской бумаги с изображением Господа и святых, в сложенные крестообразно на груди руки дается крест или возлагается на персях икона Спасителя. Потом тело усопшего покрывается новым белым покровом, иначе саваном. Поверх савана тело покрывается священным покровом (церковным парчевым). Полагается усопший лицем вверх. Уста покойного должны быть сомкнуты, глаза закрыты, руки сложены на груди крестообразно, правая поверх левой. По обеим сторонам стола или гроба и в головах его (или только в головах) ставятся подсвечники со свечами.
Все вышесказанное можно исполнить только в том случае, если тело не передается в морг. В наши дни оставить усопшего в городской квартире удается редко, и родственники вынуждены соглашаться на вскрытие, чтобы получить свидетельство о смерти. Тем не менее, еще до приезда сотрудников похоронных служб надо омыть и облачить почившего.
Для того, чтобы облегчить душе переход в другую жизнь, над гробом православного христианина тотчас по смерти его начинаются молитвы об, упокоении души усопшего, поются панихиды. Панихида в переводе с греческого означает "всенощное пение", т. е. такое моление, которое совершается в течение всей ночи.Последование панихиды
Молитвами Святых Отец наших, Господи Иисусе Христе Боже наш, помилуй нас.
Аминь.Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков.
Аминь.Пресвятая Троице, помилуй нас. Господи, очисти грехи наша. Владыко, прости беззакония наша. Святый, посети, исцели немощи наша Имени Твоего ради.
Господи, помилуй. Господи, помилуй. Господи, помилуй.
Слава Отцу и Сыну и Святому Духу, и ныне и присно и во веки веков.
Аминь.Отче наш! Иже еси на Небесех. Да святится Имя Твое. Да приидет Царствие Твое. Да будет воля Твоя, яко на Небеси и на земли. Хлеб наш насущный даждь нам днесь. И остави нам долги наша, якоже и мы оставляем должником нашим. И не введи нас во искушение. Но избави нас от лукаваго.
Аминь.Господи, помилуй. (12 раз)
Слава Отцу и Сыну и Святому Духу, и ныне и присно и во веки веков.
Аминь.Приидите, поклонимся Цареви нашему Богу. (поклон) Приидите, поклонимся и пр ипадем Христу, Цареви нашему Богу. (поклон) Приидите, поклонимся и припадем Самому Христу, Цареви и Богу нашему. (поклон)
Псалом 90:
Живый в помощи Вышняго, в крове Бога Небеснаго водворится.
Речет Господеви: Заступник мой еси и Прибежище мое, Бог мой, и уповаю на Него.
Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его.
Не убоишися от страха нощнаго, от стрелы летящия во дни, от вещи во тме преходяшия, от сряща, и беса полуденнаго.
Падет от страны твоея тысяща, и тма одесную тебе, к тебе же не приближится.
Обаче очима твоима смотриши, и воздаяние грешников узриши.
Яко Ты, Господи, упование мое, Вышняго положил еси прибежище твое.
Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих.
На руках возмут тя, да не когда преткнеши о камень ногу твою, на аспида и василиска наступиши, и попереши льва и змия.
Яко на Мя упова, и избавлю и: покрыю и, яко позна имя Мое.
Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.Слава Отцу и Сыну и Святому Духу, и ныне и присно и во веки веков.
Аминь.Аллилуиа, аллилуиа, аллилуиа, слава Тебе, Боже. (Трижды)
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков.
Аминь.Аллилуарий глас 8-й, со стихи покойны:
Стих 1-й:Аллилуиа, аллилуиа, аллилуиа.Стих 2-й: Блажен, егоже (юже - ее /яже - их) избрал и приял еси, Господи.
Припев: Аллилуиа, аллилуиа, аллилуиа.
Стих 3-й: Память его (ея/их) в род и род.
Припев: Аллилуиа, аллилуиа, аллилуиа.
Стих 3-й: Душа его (ея/их) во благих водворится.
Припев: Аллилуиа, аллилуиа, аллилуиа.
Тропарь, глас 8-й:
Глубиною мудрости человеколюбно вся строяй, и полезная всем подаваяй, Едине Содетелю, упокой, Господи, душу усопшаго раба Твоего: на Тя бо упование возложи, Творца и Зиждителя и Бога нашего. (Дважды)Слава Отцу и Сыну и Святому Духу, и ныне и присно и во веки веков.
Аминь.Богородичен:
Тебе и стену и пристанище имамы, и Молитвенницу благоприятную к Богу. Егоже родила еси, Богородице Безневестная, верных спасение.Непорочны (псалом 118), на глас 2-й, разделяюще на две статии:
Статия I
Блажени непорочнии в путь,
Припев: Помяни, Господи, душу усопшаго раба Твоего.
Ходящии в законе Господни.
Припев: Помяни, Господи, душу усопшаго раба Твоего.
Блажени испытающии свидения Его, всем сердцем взыщут Его,
Припев: Помяни, Господи, душу усопшаго раба Твоего.
Не делающии бо беззакония, в путех Его ходиша.
Ты заповедал еси заповеди Твоя сохранити зело.
Дабы исправилися путие мои, сохранити оправдания Твоя.
Тогда не постыжуся, внегда призрети ми на вся заповеди Твоя.
Исповемся Тебе в правости сердца, внегда научити ми ся судьбам правды Твоея.
Оправдания Твоя сохраню, не остави мене до зела.
В чесом исправит юнейший путь свой; внегда сохранити словеса Твоя.
Всем сердцем моим взысках Тебе, не отрини мене от заповедей Твоих.
В сердце моем скрых словеса Твоя, яко да не согрешу Тебе.
Благословен еси Господи: научи мя оправданием Твоим.Припев: Помяни, Господи, душу усопшаго раба Твоего.
Устнама моима возвестих вся судьбы уст Твоих.
На пути свидений Твоих насладихся, яко о всяком богатстве.
В заповедех Твоих поглумлюся, и уразумею пути Твоя.
Во оправданиих Твоих поучуся, не забуду словес Твоих.
Воздаждь рабу Твоему: живи мя, и сохраню словеса Твоя.
Открый очи мои, и уразумею чудеса от закона Твоего.
Пришлец аз есмь на земли: не скрый от мене заповеди Твоя.
Возлюби душа моя возжелати судьбы Твоя на всякое время.
Запретил еси гордым: прокляти уклоняющиися от заповедей Твоих.
Отими от мене понос и уничижение, яко свидений Твоих взысках.Припев: Помяни, Господи, душу усопшаго раба Твоего.
Ибо седоша князи, и на мя клеветаху, раб же Твой глумляшеся во оправданиих Твоих:
Ибо свидения Твоя поучение мое есть, и совети мои оправдания Твоя.
Прильпе земли душа моя: живи мя по словеси Твоему.Припев: Помяни, Господи, душу усопшаго раба Твоего.
Пути моя возвестих, и услышал мя еси: научи мя оправданием Твоим:
Путь оправданий Твоих вразуми ми, и поглумлюся в чудесех Твоих.
Воздрема душа моя от уныния: утверди мя в словесех Твоих.
Путь неправды отстави от мене, и законом Твоим помилуй мя.Припев: Помяни, Господи, душу усопшаго раба Твоего.
Путь истины изволих, и судьбы Твоя не забых.
Прилепихся свидением Твоим, Господи, не посрами мене.
Путь заповедей Твоих текох, егда расширил еси сердце мое.
Законоположи мне, Господи, путь оправданий Твоих, и взыщу и выну:
Вразуми мя, и испытаю закон Твой, и сохраню и всем сердцем моим.
Настави мя на стезю заповедей Твоих, яко тую восхотех.
Приклони сердце мое во свидения Твоя, а не в лихоимство.
Отврати очи мои, еже не видети суеты, в пути Твоем живи мя.
Постави рабу Твоему слово Твое в страх Твой.
Отими поношение мое, еже непщевах: яко судьбы Твоя благи.
Се возжелах заповеди Твоя, в правде Твоей живи мя.
И да приидет на мя милость Твоя Господи, спасение Твое по словеси Твоему.
И отвещаю поношающым ми слово: яко уповах на словеса Твоя.
И не отими от уст моих словесе истинна до зела, яко на судьбы Твоя уповах.
И сохраню закон Твой выну, в век и в век века.
И хождах в широте, яко заповеди Твоя взысках.
И глаголах о свидениих Твоих пред цари, и не стыдяхся:
И поучахся в заповедех Твоих, яже возлюбих зело:
И воздвигох руце мои к заповедем Твоим, яже возлюбих, и глумляхся во оправданиих Твоих.
Помяни словеса Твоя рабу Твоему, ихже упование дал ми еси.
То мя утеши во смирении моем, яко слово Твое живи мя.
Гордии законопреступоваху до зела: от закона же Твоего не уклонихся.
Помянух судьбы Твоя от века, Господи, и утешихся.
Печаль прият мя от грешник, оставляющих закон Твой.
Пета бяху мне оправдания Твоя, на месте пришельствия моего.
Помянух в нощи Имя Твое, Господи, и сохраних закон Твой.
Сей бысть мне, яко оправданий Твоих взысках. Часть моя еси, Господи, рех сохранити закон Твой.
Помолихся лицу Твоему всем сердцем моим: помилуй мя по словеси Твоему.Припев: Помяни, Господи, душу усопшаго раба Твоего.
Помыслих пути Твоя, и возвратих нозе мои во свидения Твоя.
Уготовихся и не смутихся сохранити заповеди Твоя.
Ужя грешник обязашася мне, и закона Твоего не забых.
Полунощи востах исповедатися Тебе о судьбах правды Твоея.
Причастник аз есмь всем боящымся Тебе, и хранящым заповеди Твоя.
Милости Твоея, Господи, исполнь земля: оправданием Твоим научяи мя.
Благость сотворил еси с рабом Твоим Господи, по словеси Твоему.
Благости, и наказанию и разуму научи мя, яко заповедем Твоим веровах.Припев: Помяни, Господи, душу усопшаго раба Твоего.
Прежде даже не смиритимися, аз прегреших: Сего ради слово Твое сохраних.
Благ еси Ты, Господи, и благостию Твоею научи мя оправданием Твоим.
Умножися на мя неправда гордых, аз же всем сердцем моим испытаю заповеди Твоя.
Усырися яко млеко сердце их, аз же закону Твоему поучихся.
Благо мне, яко смирил мя еси, яко да научуся оправданием Твоим.
Благ мне закон уст Твоих, паче тысящ злата и сребра.Припев: Помяни, Господи, душу усопшаго раба Твоего.
Руце Твои сотвористе мя, и создасте мя: вразуми мя, и научуся заповедем Твоим.
Припев: Помяни, Господи, душу усопшаго раба Твоего.
Боящиися Тебе узрят мя и возвеселятся, яко на словеса Твоя уповах.
Разумех Господи, яко правда судьбы Твоя, и воистинну смирил мя еси.
Буди же милость Твоя, да утешит мя по словеси Твоему рабу Твоему.
Да приидут мне щедроты Твоя, и жив буду, яко закон Твой поучение мое есть.
Да постыдятся гордии, яко неправедно беззаконноваша на мя, аз же поглумлюся в заповедех Твоих.
Да обратят мя боящиися Тебе, и ведящии свидения Твоя.
Буди сердце мое непорочно во оправданиих Твоих, яко да не постыжуся.
Исчезает во спасение Твое душа моя, на словеса Твоя уповах.
Исчезоша очи мои в слово Твое, глаголюще: когда утешиши мя;
Зане бых яко мех на слане: оправданий Твоих не забых.
Колико есть дней раба Твоего; когда сотвориши ми от гонящих мя суд;
Поведаша мне законопреступницы глумления, но не яко закон Твой, Господи.
Вся заповеди Твоя истина: неправедно погнаша мя, помози ми.
Вмале не скончаша мене на земли: аз же не оставих заповедей Твоих.
По милости Твоей живи мя,Припев: Помяни, Господи, душу усопшаго раба Твоего.
И сохраню свидения уст Твоих.
Во век, Господи, слово Твое пребывает на Небеси.
В род и род истина Твоя. Основал еси землю, и пребывает.
Учинением Твоим пребывает день, яко всяческая работна Тебе.
Яко аще бы не закон Твое поучение мое был, тогда убо погибл бых во смирении моем.
Во век не забуду оправданий Твоих, яко в них оживил мя еси.Припев: Помяни, Господи, душу усопшаго раба Твоего.
Яко аще бы не закон Твое поучение мое был, тогда убо погибл бых во смирении моем.
Во век не забуду оправданий Твоих, яко в них оживил мя еси.Припев: Помяни, Господи, душу усопшаго раба Твоего.
Яко аще бы не закон Твое поучение мое был, тогда убо погибл бых во смирении моем.
Во век не забуду оправданий Твоих, яко в них оживил мя еси.Припев: Помяни, Господи, душу усопшаго раба Твоего.
Господи, помилуй. (40 раз)
Помяни, Господи, Боже наш, в вере и надежди живота вечнаго преставльшагося раба Твоего, брата нашего (имярек), и яко Благ и Человеколюбец отпущаяй грехи и потребляяй неправды, ослаби, остави и прости вся вольная его согрешения и невольная, избави его вечная муки и огня геенскаго и даруй ему причастие и наслаждение вечных Твоих благих, уготованных любящим Тя: аще бо И согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго верова, и Единицу в Троице и Троицу во Единстве, православно даже до последняго своего издыхания исповеда. Темже милостив тому буди, и веру, яже в Тя вместо дел вмени, и со святыми Твоими, яко Щедр, упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков.
Аминь.Статия II
Твой есмь аз,
Припев: Покой, Господи, душу усопшаго рабаТвоего.
Яко оправданий Твоих взысках.
Припев: Покой, Господи, душу усопшаго рабаТвоего.
Мене ждаша грешницы погубити мя, свидения Твоя разумех.
Всякия кончины видех конец, широка заповедь Твоя зело.
Коль возлюбих закон Твой, Господи, весь день поучение мое есть.
Паче враг моих умудрил мя еси заповедию Твоею, яко в век моя есть.
Паче всех учащих мя разумех, яко свидения Твоя поучение мое есть.
Паче старец разумех, яко заповеди Твоя взысках.
От всякаго пути лукава возбраних ногам моим, яко да сохраню словеса Твоя.
От судеб Твоих не уклонихся, яко Ты законоположил ми еси.
Коль сладка гортани моему словеса Твоя, паче меда устом моим.
От заповедей Твоих разумех, сего ради возненавидех всяк путь неправды.
Светильник ногама моима закон Твой, и свет стезям моим.
Кляхся и поставих сохранити судьбы правды Твоея.
Смирихся до зела, Господи, живи мя по словеси Твоему.Припев: Упокой, Господи, душу усопшаго раба Твоего.
Вольная уст моих благоволи же, Господи, и судьбам Твоим научи мя.
Душа моя в руку Твоею выну, и закона Твоего не забых.
Положиша грешницы сеть мне, и от заповедей Твоих не заблудих.
Наследовах свидения Твоя во век, яко радование сердца моего суть.
Приклоних сердце мое сотворити оправдания Твоя в век за воздаяние.
Законопреступныя возненавидех, закон же Твой возлюбих.
Помощник мой и Заступник мой еси Ты, на словеса Твоя уповах.Припев: Покой, Господи, душу усопшаго рабаТвоего.
Уклонитеся от мене лукавнующии, и испытаю заповеди Бога моего.
Заступи мя по словеси Твоему, и жив буду, и не посрами мене от чаяния моего.
Помози ми, и спасуся, и поучуся во оправданиих Твоих выну.
Уничижил еси вся отступающия от оправданий Твоих, яко неправедно помышление их.
Преступающия непщевах вся грешныя земли, сего ради возлюбих свидения Твоя.
Пригвозди страху Твоему плоти моя, от судеб бо Твоих убояхся.
Сотворих суд и правду, не предаждь мене обидящым мя.Припев: Покой, Господи, душу усопшаго рабаТвоего.
Восприими раба Твоего во благо, да не оклеветают мене гордии.
Очи мои исчезосте во спасение Твое, и в слово правды Твоея.
Сотвори с рабом Твоим по милости Твоей, и оправданием Твоим научи мя.
Раб Твой есмь аз: вразуми мя, и увем свидения Твоя.
Время сотворити Господеви: разориша закон Твой.
Сего ради возлюбих заповеди Твоя паче злата и топазия.
Сего ради ко всем заповедем Твоим направляхся, всяк путь неправды возненавидех.
Дивна свидения Твоя, сего ради испыта я душа моя.
Явление словес Твоих просвещает и вразумляет младенцы.
Уста моя отверзох, и привлекох дух, яко заповедей Твоих желах.Припев: Покой, Господи, душу усопшаго рабаТвоего.
Призри на мя и помилуй мя.
Припев: Покой, Господи, душу усопшаго рабаТвоего.
По суду любящих имя Твое. Стопы моя направи по словеси Твоему.
Припев: Покой, Господи, душу усопшаго рабаТвоего.
И да не обладает мною всякое беззаконие.
Избави мя от клеветы человеческия, и сохраню заповеди Твоя.
Лице Твое просвети на раба Твоего, и научи мя оправданием Твоим.
Исходища водная изведосте очи мои, понеже не сохраних закона Твоего.
Праведен еси, Господи, и прави суди Твои.
Заповедал еси правду свидения Твоя и истину зело.
Истаяла мя есть ревность Твоя, яко забыша словеса Твоя врази мои.
Разжжено слово Твое зело, и раб Твой возлюби е.
Юнейший аз есмь и уничижен, оправданий Твоих не забых.
Правда Твоя правда во век.Припев: Покой, Господи, душу усопшаго рабаТвоего.
И закон Твой истина. Скорби и нужды обретоша мя, заповеди Твоя поучение мое.
Правда свидения Твоя в век, вразуми мя, и жив буду.
Воззвах всем сердцем моим, услыши мя, Господи, оправдания Твоя взыщу.
Воззвах Ти, спаси мя, и сохраню свидения Твоя.
Предварих в безгодии и воззвах, на словеса Твоя уповах.
Предваристе очи мои ко утру, поучитися словесем Твоим.
Глас мой услыши, Господи, по милости Твоей: по судьбе Твоей живи мя.
Приближишася гонящии мя беззаконием, от закона же Твоего удалишася.
Близ еси Ты, Господи, и вси путие Твои истина.
Исперва познах от свидений Твоих, яко в век основал я еси.
Виждь смирение мое и изми мя, яко закона Твоего не забых.Припев: Покой, Господи, душу усопшаго рабаТвоего.
Суди суд мой и избави мя, словесе ради Твоего живи мя.
Далече от грешник спасение, яко оправданий Твоих не взыскаша.
Щедроты Твоя многи, Господи, по судьбе Твоей живи мя.
Мнози изгонящии мя и стужающии ми, от свидений Твоих не уклонихся.
Видех неразумевающия и истаях, яко словес Твоих не сохраниша.
Виждь, яко заповеди Твоя возлюбих, Господи, по милости Твоей живи мя.Припев: Покой, Господи, душу усопшаго рабаТвоего.
Начало словес Твоих истина, и во век вся судьбы правды Твоея.
Князи погнаша мя туне, и от словес Твоих убояся сердце мое.
Возрадуюся аз о словесех Твоих, яко обретаяй корысть многу.
Неправду возненавидех и омерзих, закон же Твой возлюбих.Припев: Покой, Господи, душу усопшаго рабаТвоего.
Седмерицею днем хвалих Тя о судьбах правды Твоея.
Мир мног любящым закон Твой, и несть им соблазна.
Чаях спасения Твоего, Господи, и заповеди Твоя возлюблих.
Созрани душа моя свидения Твоя и возлюби я зело.
Сохраних заповеди Твоя и свидения Твоя, яко вси путие мои пред Тобою, Господи.
Да приближится моление мое пред Тя, Господи, по словеси Твоему вразуми мя.
Да внидет прошение мое пред Тя, Господи, по словеси Твоему избави мя.Припев: Покой, Господи, душу усопшаго рабаТвоего.
Отрыгнут устне мои пение, егда научиши мя оправданием Твоим.
Провещает язык мой словеса Твоя, яко вся заповеди Твоя правда.
Да будет рука Твоя еже спасти мя, яко заповеди Твоя изволих.
Возжелах спасение Твое, Господи, и закон Твой поучение мое есть.
Жива будет душа моя и восхвалит Тя, и судьбы Твоя помогут мне.
Заблудих, яко овча погибшее, взыщи раба Твоего, яко заповедей Твоих не забых.Припев: Покой, Господи, душу усопшаго рабаТвоего.
Жива будет душа моя и восхвалит Тя, и судьбы Твоя помогут мне.
Заблудих, яко овча погибшее, взыщи раба Твоего, яко заповедей Твоих не забых.Припев: Покой, Господи, душу усопшаго рабаТвоего.
Жива будет душа моя и восхвалит Тя, и судьбы Твоя помогут мне.
Заблудих, яко овча погибшее, взыщи раба Твоего, яко заповедей Твоих не забых.Припев: Покой, Господи, душу усопшаго рабаТвоего.
Тропари по непорочных, глас 5-й:
Благословен еси Господи, научи мя оправданием Твоим.Святых лик обрете источник жизни и дверь райскую, да обрящу и аз путь покаянием: погибшее овча аз есмь, воззови мя Спасе и спаси мя.
Припев: Благословен еси Господи, научи мя оправданием Твоим.
Агнца Божия проповдавше, и заклани бывше якоже агнцы, и к жизни нестареемей святии и присносущней преставльшеся: Того прилежно, мученицы, молите, долгов разрешение нам даровати.
Припев: Благословен еси Господи, научи мя оправданием Твоим.
В путь узкий хождшии прискорбный, вси в житии крест яко ярем вземшии, и Мне последовавшии верою, приидите, насладитеся, ихже уготовах вам почестей и венцев небесных.
Припев: Благословен еси Господи, научи мя оправданием Твоим.
Образ есмь неизреченныя Твоея славы, аще и язвы ношу прегрешений: ущедри Твое создание, Владыко, и очисти Твоим благоутробием, и вожделенное Отечество подаждь ми, рая паки жителя мя сотворяя.
Припев: Благословен еси Господи, научи мя оправданием Твоим.
Древле убо от несущих создавый мя, и образом Твоим Божественным почтый, преступлением же заповеди паки мя возвративый в землю, из неяже взят бых, на еже по подобию возведи, древнею добротою возобразитися.
Припев: Благословен еси Господи, научи мя оправданием Твоим.
Упокой, Боже, раба Твоего, и учини и в раи, идеже лицы святых, Господи, и праведницы сияют яко светила: усопшаго раба Твоего, Спасе, упокой, презирая его вся согрешения.
Слава Отцу и Сыну и Святому Духу.
Трисиятельное Единаго Божества благочестно поем, вопиюще: свят еси, Отче Безначальный, Собезначальный же Сыне и Божественный Душе: просвети нас, верою Тебе служащих, и вечнаго огня исхити.
И ныне и присно и во веки веков.
Аминь.Радуйся, Чистая, Бога плотию Рождшая во спасение всех, Еюже род человеческий обрете спасение: Тобою да обрящем рай, Богородице Чистая Благословенная.
Аллилуиа, аллилуиа, аллилуиа, слава Тебе, Боже. Трижды.
Господи, помилуй. (40 раз)
Помяни, Господи, Боже наш, в вере и надежди живота вечнаго преставльшагося раба Твоего, брата нашего (имярек), и яко Благ и Человеколюбец отпущаяй грехи и потребляяй неправды, ослаби, остави и прости вся вольная его согрешения и невольная, избави его вечная муки и огня геенскаго и даруй ему причастие и наслаждение вечных Твоих благих, уготованных любящим Тя: аще бо И согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго верова, и Единицу в Троице и Троицу во Единстве, православно даже до последняго своего издыхания исповеда. Темже милостив тому буди, и веру, яже в Тя вместо дел вмени, и со святыми Твоими, яко Щедр, упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков.
Аминь.И седален, глас 5-й:
Покой, Спасе наш, с праведными раба Твоего, и сего всели во дворы Твоя, якоже есть писано: презирая, яко Благ, прегрешения его, вольная и невольная, и вся, яже в ведении и не в ведении, Человеколюбче.Слава Отцу и Сыну и Святому Духу, и ныне и присно и во веки веков.
Аминь.Богородичен:
От Девы возсиявый мiру, Христе Боже, сыны света Тою показавый, помилуй нас.
Псалом 50:
Помилуй мя, Боже, по велицей милости Твоей, и по множеству щедрот Твоих очисти беззаконие мое.
Наипаче омый мя от беззакония моего, и от греха моего очисти мя.
Яко беззаконие мое аз знаю и грех мой предо мною есть выну.
Тебе Единому согреших, и лукавое пред Тобою сотворих, яко да оправдишися во словесех Твоих и победиши, внегда судити Ти.
Се бо, в беззакониих зачат есмь, и во гресех роди мя мати моя.
Се бо, истину возлюбил еси, безвестная и тайная премудрости Твоея явил ми еси.
Окропиши мя иссопом, и очищуся, омыеши мя, и паче снега убелюся.
Слуху моему даси радость и веселие, возрадуются кости смиренныя.
Отврати лице Твое от грех моих, и вся беззакония моя очисти.
Сердце чисто созижди во мне, Боже, и дух прав обнови во утробе моей.
Не отвержи мене от лица Твоего, и Духа Твоего Святаго не отыми от мене.
Воздаждь ми радость спасения Твоего, и Духом Владычним утверди мя.
Научу беззаконныя путем Твоим, и нечестивии к Тебе обратятся.
Избави мя от кровей, Боже, Боже спасения моего, возрадуется язык мой правде Твоей.
Господи, устне мои отверзеши, и уста моя возвестят хвалу Твою.
Яко аще бы восхотел еси жертвы, дал бых убо, всесожжения не благоволиши.
Жертва Богу дух сокрушен, сердце сокрушенно и смиренно Бог не уничижит.
Ублажи, Господи, благоволением Твоим Сиона, и да созиждутся стены Иерусалимския.
Тогда благоволиши жертву правды, возношение и всесожегаемая, тогда возложат на олтарь Твой тельцы.Затем читается "Канон о усопшем".
|
|
|
|
|
|
|
|
 |
|
 | |||||||||
|
Код баннера © 2000-2024 Церковь Иоанна Богослова |
|
