Крест
Покайтесь, ибо Господь грядет судить
Проповедь Всемирного Покаяния. Сайт отца Олега Моленко - omolenko.com
  tolkovanie.com  
  omolenko.com  
  propovedi.com  
  Избранное Переписка Календарь Устав Аудио
  Имя Божие Ответы Богослужения Школа Видео
  Библиотека Проповеди Тайна ап.Иоанна Поэзия Фото
  Публицистика Дискуссии Библия История Фотокниги
  Апостасия Свидетельства Иконы Стихи о.Олега Вопросы
  Жития святых Книга отзывов Исповедь Архив Карта сайта
  Молитвы Слово батюшки Новомученики Пожертвования Контакты
Главная страница сайта Печать страницы Ответ на вопрос Пожертвования Видеоканал проповедей Вниз страницы Вверх страницы К предыдущей странице   К вышестоящей странице   К следующей странице Перевод
YouTube канал отца Олега   YouTube канал проповедей отца Олега   YouTube канал стихотворений Олега Урюпина   Facebook страничка  


ВКонтакт Facebook Twitter Blogger Livejournal Mail.Ru Liveinternet

Богослужения мирянским чином

Всемiрное Воздвижение Честнаго и Животворящего Креста Господня.

Обедница

(изобразительные)


 
 

Обедница в мирянском богослужении совершается вместо Божественной Литургии

 

Старший – возглавляющий богослужение; произносит важнейшие возгласы, совершает каждение, читает Евангелие.  
Чтец – любой из мирян.  
Братия – все присутствующие на службе миряне.

Боже, очисти мя, грешнаго. - поклон - 
Создавый мя, Господи, помилуй мя. – поклон - 
Без числа согреших, Господи, помилуй и прости мя, грешнаго. - поклон -

Старший:        
Молитвами Святых Отец наших, Господи Иисусе Христе Боже наш, помилуй нас.  
Братия: 
Аминь.

Братия: 
Господи, помилуй. (12 раз) – читается вместо великой ектеньи - поклон -

Старший: 
Слава Отцу и Сыну и Святому Духу. И ныне и присно и во веки веков.  
Братия: 
Аминь.  
 

Хор или чтец поет первый антифон:

 
Стих 1, псалом 21 (1-й лик) Боже, Боже Мой, вонми Ми, вскую оставил Мя еси?

Припев: Молитвами Богородицы, Спасе, спаси нас.

Стих 1, псалом 21 (2-й лик) Далече от спасения моего словеса грехопадений моих.

Припев: Молитвами Богородицы, Спасе, спаси нас.

Стих 2, псалом 21 (1-й лик) Боже мой, воззову во дни и не услышиши, и в нощи, и не в безумие мне.

Припев: Молитвами Богородицы, Спасе, спаси нас.

Стих 2, псалом 21 (2-й лик) Ты же во святем живеши, Хвало Израилева.

Припев: Молитвами Богородицы, Спасе, спаси нас.

Старший: 
Слава Отцу и Сыну и Святому Духу. И ныне и присно и во веки веков.

Припев: Молитвами Богородицы, Спасе, спаси нас. 
 
 

Хор или чтец поет второй антифон:

 
Стих 1, псалом 73 (1-й лик) Вскую, Боже, отринул ны еси до конца?

Припев: Спаси ны, Сыне Божий, плотию распныйся, поющия Ти: аллилуиа.

Стих 1, псалом 47 (2-й лик) Помяни сонм Твой, егоже стяжал еси исперва.

Припев: Спаси ны, Сыне Божий, плотию распныйся, поющия Ти: аллилуиа.

Стих 2, псалом 47 (1-й лик) Гора Сион сия, в нейже вселился еси.

Припев: Спаси ны, Сыне Божий, плотию распныйся, поющия Ти: аллилуиа.

Стих 2, псалом 47 (2-й лик) Бог же Царь наш прежде века содела спасение посреде земли.

Припев: Спаси ны, Сыне Божий, плотию распныйся, поющия Ти: аллилуиа.

Старший: 
Слава Отцу и Сыну и Святому Духу. И ныне и присно и во веки веков.  
Братия: 
Аминь.

Братия: 
Единородный Сыне, и Слове Божий, безсмертен Сый,/ и изволивый спасения нашего ради/ воплотитися от Святыя Богородицы и Приснодевы Марии,/ непреложно Вочеловечивыйся;/ Распныйся же, Христе Боже, смертию смерть поправый,/ Един Сый Святыя Троицы,/ спрославляемый Отцу и Святому Духу, спаси нас. 
 

Третий антифон:

Стих 1, псалом 73Господь воцарися, да гневаются людие.

ТропарьCпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруя, и Твое сохраняя Крестом Твоим жительство.

Стих 4, псалом 73Господь воцарися, да гневаются людие, седяй на херувимех, да подвижится земля.

ТропарьCпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруя, и Твое сохраняя Крестом Твоим жительство.

Стих 3, псалом 73Господь в Сионе велик, и высок есть над всеми людьми.

ТропарьCпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруя, и Твое сохраняя Крестом Твоим жительство. 
 

Стих 4, псалом 73Поклонитеся Господеви во дворе святем Его.

ТропарьCпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруя, и Твое сохраняя Крестом Твоим жительство. 

Входное:  
 
Тропарь: Cпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруя, и Твое сохраняя Крестом Твоим жительство.

Старший: 
Слава Отцу и Сыну и Святому Духу. И ныне и присно и во веки веков.

Кондак, глас 4Вознесыйся на Крест волею,/ тезоименитому Твоему новому жительству,/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,\ непобедимую победу. 

Братия:
К
ресту Твоему покланяемся, Владыко, и святое воскресение Твое славим. - поклон -
К
ресту Твоему покланяемся, Владыко, и святое воскресение Твое славим. - поклон -
К
ресту Твоему покланяемся, Владыко, и святое воскресение Твое славим. - поклон – 
 

ЧтецПрокимен, Псалом Давидов 

Чтец:
Возносите Господа Бога нашего, и поклоняйтеся подножию ногу Его, яко свято есть.

Братия:
Возносите Господа Бога нашего, и поклоняйтеся подножию ногу Его, яко свято есть.

Чтец:
Господь воцарися, да гневаются людие.

Братия:
Возносите Господа Бога нашего, и поклоняйтеся подножию ногу Его, яко свято есть.

Чтец:
Возносите Господа Бога нашего

Братия:
И поклоняйтеся подножию ногу Его, яко свято есть. 
 
 
 
 
 

Чтец: 
К коринфянам святаго апостола Павла чтение.

Старший: 
Вонмем
.

Старший читает Апостол (зачало 125, 1 Кор. 1,18-24).  
Братие, слово бо крестное погибающим убо юродство есть, а спасаемым нам сила Божия есть. Писано бо есть: погублю премудрость премудрых, и разум разумных отвергу. Где премудр? где книжник? где совопросник века сего? Не обуи ли Бог премудрость мира сего? Понеже бо в премудрости Божией не разуме мир премудростию Бога, благоизволил Бог буйством проповеди спасти верующих. Понеже и Иудее знамения просят, и Еллини премудрости ищут: Мы же проповедуем Христа распята, Иудеем убо соблазн, Еллином же безумие, Самем же званным Иудеем же и Еллином Христа, Божию силу и Божию премудрость.

Чтец: 
Аллилуиа, глас 1-ый.  
 
Братия: 
Аллилуиа, Аллилуиа, Аллилуиа. 

Чтец – читает аллилуиарий 1-й стих гласа 
Помяни сонм Твой, егоже стяжал еси исперва.  
 
Братия: 
Аллилуиа, Аллилуиа, Аллилуиа.

Чтец – читает стих аллилуиария гласа  
Бог же Царь наш прежде века содела спасение посреде земли. 
 
Братия: 
Аллилуиа, Аллилуиа, Аллилуиа.

Братия: 
Господи помилуй, Господи помилуй, Господи помилуй.

Стаpший: 
От Иоанна Святаго Евангелия чтение.  
Братия: 
Слава Тебе, Господи, слава Тебе. -поклон-

Старший читает Евангелие (зачало 60, Ин. 19, 6-11, 13-20, 25-28, 30-35). 
"
Во Во время оно, совет сотвориша архиерее и старцы на Иисуса, яко да убиют Его. И приведоша Его к Пилату, глаголюще: возми, возми, распни Его. Глагола им Пилат: поимите Его вы и распните: аз бо не  обретаю в Нем вины. Отвещаша ему иудее: мы закон имамы, и по закону нашему должен есть умрети, яко Себе Сына Божия сотвори. Егда убо слыша Пилат сие слово, паче убояся, И вниде в претор паки и глагола Иисусови: откуду еси Ты? Иисус же ответа не даде ему. Глагола же Ему Пилат: мне ли не глаголеши? не веси ли, яко власть имам распяти Тя и власть имам пустити Тя? Отвеща Иисус: не имаши власти ни единыя на Мне, аще не бы ти дано свыше. Пилат убо слышав сие слово, изведе вон Иисуса и седе на судищи, на месте глаголемем Лифостротон, еврейски же Гаввафа. Бе же пяток Пасце, час же яко шестый. И глагола Иудеом: се Царь ваш. Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя токмо кесаря. Тогда убо предаде Его им, да распнется. Поемше же Иисуса и ведоша: И нося крест Свой изыде на глаголемое Лобное место, еже глаголется еврейски Голгофа, Идеже пропяша Его и с Ним ина два сюду и сюду, посреде же Иисуса. Написа же и титла Пилат и положи на кресте. Бе же написано: Иисус Назорянин, Царь Иудейский. Сего же титла мнози чтоша от Иудей, яко близ бе место града, идеже пропяша Иисуса: и бе написано еврейски, гречески, римски. Стояху же при кресте Иисусове Мати Его и сестра Матере Его Мариа Клеопова и Мариа Магдалина. Иисус же видев Матерь и ученика стояща, егоже любляше, глагола Матери Своей: Жено, се, сын Твой. Потом глагола ученику: се, Мати твоя. И от того часа поят Ю ученик во своя си. Посем ведый Иисус, яко вся уже совершишася, И приклонь главу, предаде дух. Иудее же, понеже пяток бе, да не останут на кресте телеса в субботу, бе бо велик день тоя субботы, молиша Пилата, да пребиют голени их и возмут. Приидоша же воини, и первому убо пребиша голени, и другому распятому с Ним: На Иисуса же пришедше, яко видеша Его уже умерша, не пребиша Ему голений, Но един от воин копием ребра Ему прободе, и абие изыде кровь и вода. И видевый свидетелствова, и истинно есть свидетелство его."

Братия: 
Слава Тебе, Господи, слава Тебе. -поклон-

Братия: 
Господи, помилуй. (40 раз) – читается вместо сугубой ектеньи -поклон-

Старший: 
Слава Отцу и Сыну и Святому Духу. И ныне и присно и во веки веков.  
Братия: 
Аминь.

Чтец:  
Ненавидящих и обидящих нас пpости, Господи Человеколюбче.  
Благотвоpящим благосотвоpи.  
Бpатиям и сpодником нашим даpyй яже ко спасению пpошения и жизнь вечнyю.  
В немощех сyщия (имена) посети и исцеление даpyй.  
Яже в моpи yпpави.  
Пyтешествyющим (имена) спyтешествyй.  
Слyжащим и милyющим нас гpехов оставление даpyй.  
Заповедовавших нам недостойным молитися о них (имена) помилyй по велицей Твоей милости.  
Помяни, Господи, бpатий наших плененных и избави я от всякого обстояния.  
Помяни, Господи, плодоносящих и добpоделающих во святых Твоих цеpквах, и даждь им яже ко спасению пpошения и жизнь вечнyю.  
Помяни, Господи, и нас, смиpенных и гpешных и недостойных pаб Твоих, и пpосвети наш yм светом pазyма Твоего, и настави нас на стезю заповедей Твоих, молитвами Пpечистыя Владычицы нашея Богоpодицы и Пpиснодевы Маpии и всех Твоих святых: яко благословен еси во веки веков.  
Братия: 
Аминь.

Братия:  
Помяни нас, Господи, егда приидеши во Царствии Твоем. - поклон - 
Помяни нас, Владыко, егда приидеши во Царствии Твоем. - поклон - 
Помяни нас, Святый, егда приидеши во Царствии Твоем. - поклон - 
 

Чтец: 
Лик небесный поет Тя и глаголет: Свят, Свят, Свят Господь Саваоф, исполнь небо и земля славы Твоея. (Стих) Приступите к Нему и просветитеся, и лица ваша не постыдятся. Лик небесный поет Тя и глаголет: Свят, Свят, Свят Господь Саваоф, исполнь небо и земля славы Твоея.

Старший: 
Слава Отцу и Сыну и Святому Духу.

Чтец: 
Лик святых Ангел и Архангел со всеми небесными силами поет Тя и глаголет: Свят, Свят, Свят Господь Саваоф, исполнь небо и земля славы Твоея.

Старший: 
И ныне и присно и во веки веков.  
Братия: 
Аминь.

Братия: (перекрестившись без поклона) 
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, Единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша и погребенна. И воскресшаго в третий день по Писанием, и возшедшаго на небеса и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь. - поклон -

Старший: 
Ослаби, остави, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.

Братия: (перекрестившись без поклона) 
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукавого. - поклон -

Старший: 
Господи, Иисусе Христе, Сыне Божий, помилуй нас.  
Братия: 
Аминь.

Братия (праздничный тропарь ): 
Cпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруяй, и Твое сохраняя Крестом Твоим жительство.

 
Старший:
 
Слава Отцу и Сыну и Святому Духу. И ныне и присно и во веки веков.

 
Братия (кондак): 
Вознесыйся на Крест волею,/ тезоименитому Твоему новому жительству,/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,/ непобедимую победу.

Братия: 
Господи, помилуй. (12 раз) – читается вместо просительной ектеньи

Старший: 
Слава Отцу и Сыну и Святому Духу. И ныне и присно и во веки веков.  
Братия: 
Аминь.

Старший: 
Всесвятая Троице, Единосущная Державо, Нераздельное Царство, всех благих Вина, благоволи же и о мне грешнем, утверди, вразуми сердце мое, и всю мою отыми скверну, просвети мою мысль, да выну славлю, пою, покланяюся и глаголю: Един Свят, Един Господь, Иисус Христос, во славу Бога Отца.  
 
Братия: 
Аминь.

Братия поет Херувимскую: 
Иже Херувимы тайно образующе и Животворящей Троице Трисвятую песнь припевающе, всякое ныне житейское отложим попечение. Яко да Царя всех подымем, ангельскими невидимо дориносима чинми. Аллилуиа, аллилуиа, аллилуиа.  
- 3 поясных поклона -

Старший: 
Со страхом Божиим и верою приступите.

Братия творит  поклон с молитвой св. Симеона Метафраста:  
Се, приступаю к Божественному Причащению. Содетелю, да не опалиши мя приобщением; огнь бо еси, недостойная попаляя, но убо очисти мя от всякия скверны.

Старший: 
Верую, Господи, и исповедую, яко Ты еси воистинну Христос, Сын Бога Живаго, пришедый в мир грешныя спасти, от нихже первый есмь аз. Еще верую, яко Сие есть Самое Пречистое Тело Твое и Сия есть Самая Честная Кровь Твоя. Молюся убо Тебе: помилуй мя и прости ми прегрешения моя, вольная и невольная, яже словом, яже делом, яже ведением и неведением; и сподоби мя неосужденно причаститися Пречистых Твоих Таинств, во оставление грехов и в жизнь вечную.  
Братия: 
Аминь.

Старший: 
Вечери Твоея Тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но, яко разбойник, исповедаю Тя: помяни мя, Господи, во Царствии Твоем.  
Братия: 
Аминь.

 
 

Старший причащается сам и после этого причащает мирян запасными Святыми Дарами.  
Причащая, старший говорит:
 
Причащается раб Божий (имя) Честнаго и Святаго Тела и Крове Господа и Бога и Спаса нашего Иисуса Христа, во оставление грехов своих и в Жизнь Вечную. Аминь.

Братия поет причастен (во время причащения): 
Тело Христово приимите, Источника безсмертнаго вкусите.

После причащения старший говорит:  
Буди Имя Господне благословено отныне и до века - поклон -  
Буди Имя Господне благословено отныне и до века - поклон - 
Буди Имя Господне благословено отныне и до века - поклон -

Братия: 
Да исполнятся уста наша хваления Твоего, Господи, яко да поем славу Твою, яко сподобил еси нас причаститися Святым Твоим, Божественным, Безсмертным и Животворящим Таинам: соблюди нас во Твоей святыни, весь день поучатися правде Твоей. Аллилуиа, аллилуиа, аллилуиа.

Старший: 
Слава Отцу и Сыну и Святому Духу. И ныне и присно и во веки веков.  
Братия: 
Аминь.

Чтец читает псалом 33:  
Благословлю Господа на всякое время, выну хвала Его во устех моих.  
О Господе похвалится душа моя, да услышат кротцыи и возвеселятся.  
Возвеличите Господа со мною, и вознесем имя Его вкупе.  
Взысках Господа и услыша мя, и от всех скорбей моих избави мя.  
Приступите к Нему и просветитеся, и лица ваша не постыдятся.  
Сей нищий воззва, и Господь услыша и, и от всех скорбей его спасе и.  
Ополчится Ангел Господень окрест боящихся Его, и избавит их.  
Вкусите и видите, яко благ Господь; блажен муж, иже уповает нань.  
Бойтеся Господа, вси святии Его, яко несть лишения боящимся Его.  
Богатии обнищаша и взалкаша, взыскающии же Господа не лишатся всякаго блага.  
Приидите, чада, послушайте мене, страху Господню научу вас.  
Кто есть человек хотяй живот, любяй дни видети благи;  
Удержи язык твой от зла, и устне твои, еже не глаголати льсти.  
Уклонися от зла и сотвори благо, взыщи мира, и пожени и.  
Очи Господни на праведныя, и уши Его в молитву их.  
Лице же Господне на творящия злая, еже потребити от земли память их.  
Воззваша праведнии, и Господь услыша их, и от всех скорбей их избави их.  
Близ Господь сокрушенных сердцем, и смиренныя духом спасет.  
Многи скорби праведным, и от всех их избавит я Господь.  
Хранит Господь вся кости их, ни едина от них сокрушится.  
Смерть грешников люта, и ненавидящии праведнаго прегрешат.  
Избавит Господь души раб Своих, и не прегрешат вси уповающии на Него. 
 

Братия:Вместо «Достойно есть» поем величание и ирмос 
 
 
Величай душе моя пречестный Крест Господень.

Таин еси, Богородице, рай, невозделанно возрастивший Христа, Имже Крестное живоносное на земли насадися древо, тем ныне возносиму покланяющеся ему Тя величаем.

Братия творит поясной поклон и после этого поет тропарь: 
Апостоле Христу Богу возлюбленне, / ускори избавити люди безответны: / приемлет тя припадающа, / Иже падша на перси приемый. / Егоже моли, Богослове: / и належащую мглу языков разгнати, / прося нам мира и велия милости.

Старший: 
Слава Отцу и Сыну и Святому Духу. И ныне и присно и во веки веков. Аминь.

Братия творит поясной поклон и после этого поет кондак: 
Величия твоя, девственниче кто повесть? / Точиши бо чудеса и изливаеши исцеления, / и молишися о душах наших / яко Богослов и друг Христов.

Старший: 
Слава Отцу и Сыну и Святому Духу. И ныне и присно и во веки веков. Аминь.

Братия: 
Господи помилуй, Господи помилуй, Господи помилуй. Благослови.

Старший: 
Воскресый из мертвых  Христос истинный Бог наш, молитвами пречистыя своея Матере: силою честнаго и животворящаго Креста: Святаго Апостола и Евангелиста Первоиерарха Церкви Иоанна Богослова, святых славных и всехвальных апостол, святых праведных богоотец Иоакима и Анны и всех святых помилует и спасет нас, яко Благ и Человеколюбец. 
Братия: 
Аминь.

Cпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруя, и Твое сохраняя Крестом Твоим жительство.

Воскресение Христово видевше,/ поклонимся Святому Господу Иисусу,/ единому Безгрешному./ Кресту Твоему покланяемся, Христе,/ и святое Воскресение Твое поем и славим:/ Ты бо еси Бог наш, разве Тебе иного не знаем,/ имя Твое именуем. Приидите вси вернии, поклонимся Святому Христову Воскресению:/ се бо прииде крестом радость всему миру,/ всегда благословяще Господа,/ поем Воскресение Его: /распятие бо претерпев,/ смертию смерть разруши. - 3 поясных поклона -

Перекрестившись подходим к кресту при пении тропаря кресту (с земным поклоном)

Cпаси Господи люди Твоя и благослови достояние Твое, победы благоверному императору нашему Николаю Александровичу на сопротивныя даруя, и Твое сохраняя Крестом Твоим жительство. 


Главная страница сайта Печать страницы Ответ на вопрос Пожертвования Персональный видеоканал отца Олега Вниз страницы Вверх страницы К предыдущей странице   К вышестоящей странице   К следующей странице Перевод
Код баннера
Сайт отца Олега (Моленко)

 
© 2000-2019 Церковь Иоанна Богослова