Радуйтесь, ибо Господь грядет судить

	Кредо	Переписка	Календарь	Устав	Аудио
	Имя Божие	3000 вопросов	Богослужения	Школа	Видео
	Библиотека	Проповеди	Тайна ап.Иоанна	Поэзия	Фото
	Публицистика	Дискуссии	Эра Духа Святого	История	Фотокниги
	Апостасия РПЦ МП	Свидетельства	Иконы	Стихи о.Олега	Стримы
	Жития святых	Книги о.Олега	Исповедь	Библия	Избранное
	Молитвы	Слово батюшки	Новомученики	Пожертвования	Контакты

Молитвословия, связанные с поминанием Императора и Царствующего Дома, измененные после февраля 1917-го года

Измененные тропари и кондаки

Тропарь Кресту:
Спаси, Господи, люди Твоя, и благослови достояние Твое, победы Благоверному Императору нашему Николаю Александровичу на сопротивныя даруя, и Твое сохраняя Крестом Твоим жительство.

Кондак Кресту, гл. 4:
Вознесыйся на Крест волею, тезоименитому Твоему новому житесльcтву щедроты Твоя даруй, Христе Боже: возвесели силою Твоею Благовернаго Императора нашего Николая Александровича, победы дая ему на супостаты, пособие имущу Твое, оружие мира, непобедимую победу.

Тропарь Божией Матери:
Предстательство страшное и непостыдное, не презре, Благая, молитв наших, всепетая Богородице, утверди православных жительство, спаси Благоверного Императора нашего Николая Александровича, емуже повелела еси царствовати, и подаждь ему с небесе победу, зане родила еси Бога, Едина Благословенна

Святаго Благовернаго князя Александра Невскаго. Кондак, гл. 8:
Яко звезду тя пресветлую почитаем, от востока возсиявшую и на запад пришедшую: всю бо страну сию чудесы и добротою обогащаеши, и просвещаеши верою чтущыя память твою, Александре блаженне. Сего ради днесь празднуем твое успение, людие твои сущии: моли спасти Отечество твое, и державу православного Императора нашего Николая Александровича, и вся притекающыя к рацее мощей твоих и верно вопиющыя ти: радуйся, граду нашему утверждение.

Новолетие (индикт). Тропарь, гл. 2:
Всея твари Содетелю, времена и лета во Своей власти положивый, благослови венец лета благости Твоея, Господи, сохраняя в мире Императора и град Твой молитвами Богородицы, и спаси ны.

Новолетие (индикт). Конак, гл. 2:
В вышних живый Христе Царю, всех видимых и невидимых Творче и Зиждителю, Иже дни и нощи, времена и лета сотворивый, благослови ныне венец лета, соблюди и сохрани в мире православнаго Императора, и град и люди Твоя, Многомилостиве.

Сретение Господа нашего Иисуса Христа. Кондак, гл. 1:
Утробу Девичу освятивый Рождеством Твоим, и руце Симеоне благословивый, якоже подобаше, предварив и ныне спасл еси нас, Христе Боже: но умири во бранех жительство, и укрепи Императора, егоже возлюбил еси, Едине человеколюбче.

Св. великомученика Георгия. Тропарь, гл. 4:
Яко пленных свободитель и нищих защититель, немоществующих врач, Царей поборниче, победоносче великомучениче Георгие, моли Христа Бога спастися душам нашым.

Св. равноапостольного князя Владимира, нареченнаго в святом крещении Василия. Тропарь, гл. 4:
Уподобился еси купцу, ищущему добраго бисера, славнодержавный Владимире, на высоте стола седя матерее градов, богоспасаемого Киева: испытуя же и посылая к царскому граду уведети православную веру, обрел еси безценный бисер, Христа, избравшаго тя, яко втораго Павла, и отрясшаго слепоту во святей купели, душевную вкупе и телесную. Темже празднуем твое успение, людие твои сущее: моли спастися державы Твоея российския начальником, христолюбивому Императору и множеству владомых (подданных).

Перенесение мощей св. Благовернаго Великаго князя Александра Невскаго из Владимира в Санкт-Петербург. Тропарь, гл. 4:
Познай свою братию, российский Иосифе, не в Египте, но на небеси царствующий, Благоверный княже Александре, и приими моления их, умножая жита людем плодоносием земли Твоея, грады владычествия твоего ограждая молением, и наследником твоим Благоверным императором нашым на сопротивныя споборствуя.

Кондак на обретение мощей прп.Сергия Радонежского: (5 июля), гл. 8:
Днесь, яко солнце пресветло, возсиявше от земли, честныя мощи твоя нетленны обретошася, яко благоуханный цвет, множествам чудес сияюще, и всем верным источающе различная исцеления, и веселяще избранное твое стадо, еже мудре собрав, добре паствил еси. О нихже и ныне Троице предстоиши моляся, и Императору победительная на враги даровати, да вси вопием ти: радуйся, Сергие богомудре.

Кондак Варсонофия, епископа Тверского, глас 6:
Воздержанием тело Духу поработив, душу же равноангельну сотворил еси: сего ради святительства саном почется, чисте чистейшему предстоиши. Моли Христа Бога, святителю, спасти Императора нашего Вседержавнаго, благочестия содержителя, и люди твоя, святее, да вси вопием ти: радуйся отче преподобне Варсонофие, граду нашему Казани похвала и утверждение.